Ս.թ. նոյեմբերի 23-ին տեղի ունեցավ «Հայաստանի հեծանվային մարզաձևի ֆեդերացիա» ՀԿ-ի
Նախագահության հերթական նիստը, որին ներկա էին Նախագահության 29 անդամներից 20-ը:
Նիստն ընթացավ հետևյալ օրակարգով`
1. «Հայաստանի հեծանվային մարզաձևի ֆեդերացիա» ՀԿ փոխնախագահների և գլխավոր քարտուղարի ընտրություն
2. Հայաստանի ազգային հավաքականի գլխավոր մարզչի հաստատում
3. - Մրցավարական և մրցումների կազմակերպման և անցկացման կոմիտեի,
- Մարզչական խորհրդի,
- Կարգապահական կոմիտեի,
- Մասսայական հեծանվային սպորտի զարգացման կոմիտեի,
- Բժշկական կոմիտեի,
- Արտաքին կապերի և մամուլի հետ տարվող աշխատանքների կոմիտեի,
- Վերստուգիչ հանձնաժողովի
կազմի՝ նախագահի և անդամների ընտրություն
4. Այլ հարցեր:
Նախագահությունը բաց քվեարկությամբ ընտրեց փոխնախագահներ` Աշոտ Խաչատրյանին և Գրիգոր Համբարձումյանին, իսկ գլխավոր քարտուղար` Վահագն Թուխարյանին: Վերահաստատվեց նաև Արմեն Գյոզալյանի թեկնածությունը` որպես Հայաստանի ազգային հավաքականի գլխավոր մարզիչ:
Օրակարգի մյուս հարցերի շրջանակում քննարկվեց ֆեդերացիայի կառուցվածքն ու կոմիտեների կազմը: Ներկայացվեցին առաջարկներ կոմիտեների կազմի վերաբերյալ: Նախագահությունը բաց քվեարկությամբ հաստատեց առաջարկված կառուցվածքն ու կազմը:
