Ռուսաստանում ապրող բազմազավակ մայր Ագինա Ալտինբաևան իր 6-ամյա որդուն նստեցրել է մեքենայի ղեկին և մեկնաբանել, որ այդ քայլով ցանկացել է հասարակության ուշադրությունը կենտրոնացնել երթևեկության կանոնների խախտման համար ոչ բավարար պատժամիջոցների խնդրի վրա:
Ըստ նրա՝ Ռուսաստանում երթևեկության կանոնների խախտման համար չափազանց փոքր տուգանքներ են սահմանվում:
Ինչպես հայտնում է РИА Новости-ն, «Երջանիկ որդին» խորագրով հոլովակը հրապարակվել է 29-ամյա իրավախախտի կողմից: Վերջինս մեկնաբանություններում նշել է, որ իր երեխաները հեշտությամբ կարողանում են մեքենա վարել: Իսկ քննադատողներին պատասխանել է, որ ոչ ոք իրավունք չունի իր կյանքը դատելու, ինքն ապրում է այնպես, ինչպես ուզում է, և չի զղջում ոչ մի բանի համար:
Իրավախախտ մորը տուգանել են երթևեկության կանոնները խախտելու համար, ինչպես նաև Քննչական կոմիտեն գործ է հարուցել երեխայի կյանքը վտանգելու համար:
