Ռուսաստանի լիբերալ-դեմոկրատական կուսակցության ղեկավար Վլադիմիր Ժիրինովսկին պատրաստվում է Պետդումա ներկայացնել օրինագիծ, որն ընդլայնում է ռուսաստանցիների համար թույլատրելի ինքնապաշտպանության սահմանները։ Այս մասին հայտնում է Լենտան՝ հղում անելով Իզվեստիա թերթին։
Նա առաջարկել է լրացնել Քրեական օրենսգրքի 37-րդ հոդվածը («Անհրաժեշտ պաշտպանություն») կետով, ըստ որի, չի կարող ինքնապաշտպանության սահմանափակումը համարվել այն գործողությունները, որոնք ուղղված են անձի և հարազատների, ինչպես նաև ունեցվածքի պաշտպանությունը:
Ժիրինովսկին նշել է, որ քաղաքացիները հաճախ բանտ են նստում՝ ինքնապաշտպանության սահմանները գերազանցելու պատճառով, եթե վնասն ավելին է, քան սպառնալիքը: Նրա կարծիքով՝ սպառնալիքների այդ գնահատման համակարգը կոպիտ է․ «Գործնականում լիարժեք հակահարված կարող է տրվել միայն զինված անձին»,-ասել է նա։
Որպես օրինակ՝ քաղաքական գործիչը հղում է արել ԱՄՆ օրենսդրությանը, համաձայն որի, եթե որևէ անձ ապօրինի մուտք է գործում բնակարան, նրան կարող են սպանել: Ըստ Լիբերալ-դեմոկրատական կուսակցության ղեկավարի, տանտիրոջը դրա համար ոչինչ չի լինի, քանի որ «երբ անծանոթը ներխուժում է տուն, անհնար է իմանալ՝ զինված է, թե ոչ, հարձակումը լուրջ է, թե պարզապես վախեցնում է»:
