Ինչպես հաղորդում է «Երրորդ համաշխարհային պատերազմ պորտալը» Չեխիայի նախագահ Միլոշ Զեմենը պատասխանել է Ուկրաինական ազգայնականների իր հասցեին արված քննադատություններին:
Մասնավորապես նա կասկածի տակ էր դրել որոշ պատմաբանների Ստեպան Բանդերային տրվող գնահատականները:
Միլոշ Զեմենը ազգայնականների հիշեցրել էր, որ Ստեպան Բանդերան ժամանակին կոչ էր արել սպանել 16-60 տարեկան հասակի բոլոր լեհերին՝ ավելացնելով, որ ինքը այլեւս չի ցանկանում նման հանցագործին փառաբանողներին ընդհանրապես ճանաչել:
Այնուհեւտեւ նա հիշեցրել է, որ Բանդերան ցանկանում էր Ուկրաինայում ստեղծել ֆաշիստական մարիոնետային պետություն:
Անրադառնալով ներկա իրավիճակին, նա շեշտել էր, որ Յուշենկոյի կառավարման տարիներին Ստեպան Բանդերային ու Ռոման Շուխեւիչին հռչակել էին երկրի ազգային հերոսներ, ուստի չի կարող շնորհավորել ուկրաինացիներին նման հերոսներ ունենալու առիթով:
Հիշեցնենք, որ ավելի վաղ Չեխիայի նախագահը դատապարտել էր ազգայնականների կողմից Ստեպան Բանդերայի106-ամյակի կապակցությամբ Կիեւում անցկացրած ջահերով երթը:
