Իսրայելի վարչապետ Բենյամին Նեթանյահուն Ֆրանսիայում մի շարք ահաբեկչություններից հետո դիմել է հրեաների տեղի համայնքին՝ հիշեցնելով պատմական հայրենիք տեղափոխվելու հնարավորության մասին և խոստանալով հավելյալ արտոնություններ տրամադրել կառավարության կողմից: Այս մասին հաղորդում է «ՌԻԱ Նովոստի» գործակալությունը:
Նա խոստացել է, որ առաջիկա օրերին միջգերատեսչական հանձնաժողովը կհավաքվի հավելյալ միջոցներ ձեռնարկելու համար ի պաշտպանություն Ֆրանսիայից և եվրոպական այլ երկրներից ներգաղթածների, ովքեր, իր խոսքերով, տառապում են սարսափելի հակասեմիթիզմից: