Ռուսաստանի Դաշնության միգրացիոն ծառայության բաժանմունքները այսօրվանից սկսում են աշխատանքային ներգաղթյալներին աշխատանքային թույլտվությունների փոխարեն արտոնագրեր տրամադրել: Համապատասխան օրենքն ուժի մեջ է մտել հունվարի 1-ին:
Ինչպես հաղորդում է «ԻՏԱՌ-ՏԱՍՍ»-ն, կազմակերպություններն այժմ իրենց մոտ աշխատանքի են տեղավորելու ներգաղթյալներին իրենց կողմից գնված արտոնագրի հիման վրա: Այս դեպքում վերացվում է նաև «աշխատանքի թույլտվություն» անունով փաստաթուղթը:
Նորամուծությունը վերաբերում է այն օտարերկրացիներին, ովքեր ունեն Ռուսաստան առանց վիզայի մուտք գործելու իրավունք:
