Ինչպես հաղորդում է Ռիա Նովոստի գործակալությունը, Ուկրաինայի նախագահ Պյոտր Պորոշենկոն հունվարի 14-ին կստորագրի հրամանագիր երկրում նոր մոբիլիզացիա իրականացնելու մասին:
Նա նշել է, որ իր այս քայլն ուկրաինական ժողովրդի կողմից հավանության կարժանանա, իսկ մոբիլիզացիան կանցկացվի հաջող:
Բացի այդ Պորոշենկոն հայտնել է, որ անհրաժեշտ է սահմանափակել մարդկանց տեղաշարժը հակամարտության շփման գծում:
Վերջում նա ավելացրել է, որ ինքը շարունակում է մնալ հակամարտության խաղաղ կարգավորման ու մինսկյան համաձայնագրերի իրականացման կողմնակից, ուստի գործադրելու է անհրաժեշտ քայլեր նպատակին հասնելու համար:
