Առաջիկա օրերին Եվրոպայում կարող է նոր ահաբեկչություն տեղի ունենալ։ Այս մասին հայտարարել է Եվրոպոլը՝ նախազգուշացնելով հունական ոստիկանությանը:
Փարիզում ահաբեկչություններից հետո ահաբեկիչների նոր հարձակումների մասին նախազգուշացրել և հայտարարել են նաեւ ամերիկյան հատուկ ծառայությունները։ Նրանք տեղեկություններ են ստացել, որ ահաբեկչական չորս խմբավորումներ ներթափանցել են Եվրոպայի երկրներ՝ որպես փախստականներ, հաղորդել է Sky հեռուստաալիքը։
Վտանգին առավել ենթակա երկրների թվում հիշատակվում են Բելգիան, Նիդեռլանդները և Մեծ Բրիտանիան։
Ըստ տվյալների՝ հարվածը պատրաստում են չորս կամ հինգ իսլամիստներ, ընդ որում՝ նրանք մտադիր են այն իրականացնել միչև հունվարի 17-ը։
