Ինչպես տեղեկացրել ենք, այսօր կայացավ ԲՀԿ առաջնորդ Գագիկ Ծառուկյանի նախաձեռնած «Ոչ իշխանական քաղաքական և հասարակական ուժերի խորհրդաժողով»-ը: Կազմակերպիչները նախապես հայտարարել էին, որ ժողովի նպատակն է լսել, քննարկել և մշակել մի համակարգը, որը նպաստելու է երկրում տիրող տնտեսական, սոցիալական և քաղաքական իրավիճակի բարելավմանը:
Խորհրդաժողովի երրորդ նիստին, երբ արդեն հնչել էին բազմաթիվ ելույթներ, հանդես եկավ նաև քաղաքական գիտությունների դոկտոր, պրոֆեսոր Լևոն Շիրինյանը:
«Երբ հրավիրվեց և բացվեց համաժողովն, ինձ թվում էր, բարեկամներ, որ հիմնականում աշխատանքը պետք է գնար քաղաքական գործընթացի գնահատականի և խնդիրների լուծման ուղղությամբ, բայց ըստ հայկական հին սովորության՝ 20 տարվա գործը գնաց հիմնական նկարագրական մասով: Ես կփորձեմ որոշ բաներ ասել, որոնք ճիշտ են քաղաքագետի դիտանկյունից»,- ասաց նա:
Լ. Շիրինյանը իր ելույթում հակիրճ ներկայացրեց խնդիրների լուծման իր ճանապարհը, որի հիմքում ընկած է սոցիալական շուկայական տնտեսությունը: Շիրինյանի այս տեսակետը Analitik.am-ը ավելի վաղ ներկայացրել է նրա հեղինակած հոդվածների տեսքով, որոնք ներկայացնում ենք ստորև.
Սոցիալական շուկայական տնտեսությունը որպես Հայաստանի Հանրապետության մոդեռնիզացիայի այլընտրանք. ՄԱՍ 3
Սոցիալական շուկայական տնտեսությունը որպես Հայաստանի Հանրապետության մոդեռնիզացիայի այլընտրանք. ՄԱՍ 2
Սոցիալական շուկայական տնտեսությունը որպես Հայաստանի Հանրապետության մոդեռնիզացիայի այլընտրանք. ՄԱՍ 1
