Ինչպես տեղեկացնում է ՏԱՍՍ գործակալությունը, Նորմանդական քառյակի՝ Ուկրաինայի, Ռուսաստանի, Գերմանիայի և Ֆրանսիայի առաջնորդների՝ ՈՒկրաինայի հարցով բանակցությունները կարող են շարունակվել Ղազախստանում:
Այդ հավանականության մասին հայտարարել են Աստանայում: Հայտնի է դարձել, որ Ղազախստանի նախագահ Նազարբաևը և Գերմանիայի կանցլերը Մերկելը դա քննարկել են հեռախոսազրույցի ընթացքում:
Ղազախստանի նախագահի գրասենյակի տարածած այս տեղեկությանը զուգահեռ, նման հնարավորությունը չի բացառել նաև Մերկելը: Նազարբաևը իր հերթին բարձր է գնահատել Մերկելի մեծ ավանդն Ուկրաինայի խնդրի կարգավորման գործում: Հետաքրքրական է, որ հեռախոսազրույցը տեղի է ունեցել գերմանական կողմի նախաձեռնությամբ:
Մինչ Աստանայի հնարավոր հանդիպումը, Մերկելը և Օլանդը փետրվարի 20-ին նույն Ուկրաինայի հարցով քննարկում կունենան Փարիզում:
Արդեն երրորդ օրն է` Մինսկում շարունակվում են Ուկրաինայի ճգնաժամի խաղաղ կարգավորման բանակցությունները՝ նորմանդական ձևաչափով: