«Հրապարակ»-ը գրում է.
«Մեկ տարի է , ինչ Երևանում գործում է «Ֆեմգրադարան» անունը կրող գրադարան-սրճարանը։ Շատերը հավանաբար չգիտեն այս սրճարանի մասին, բացի ֆեմինիստներից և նրանց նեղ շրջանակից։ Ասում են՝ այս գրադարանի այցելուները հիմնականում ԼԳԲՏ համայնքի ներկայացուցիչներն ու ֆեմինիստներն են։
Մեզ նաև պատմեցին, որ այստեղ ավանդական սեռական կողմնորոշում ունեցող, պահպանողական, ոչ լիբերալ հայացքներ ունեցող անձանց մուտքը չի թույլատրվում։ Դեռ մայիսին նույն գրադարանի ֆեյսբուքյան էջում գտանք այսպիսի մի ձևակերպում, ինչը բավականին արտասովոր է լիբերալ պատկերացումներ ունեցող այս գրադարանի թիմի դեպքում․ «Սիրելի ընկերներ, երկուշաբթի և երեքշաբթի օրերին ՖեմԳրադարան մուտք կարող են գործել միայն իրենց կին նույնականացնող մարդիկ»։
Ինչո՞ւ մյուսները չեն կարող մտնել այս գրադարան, փորձեցինք ճշտել դրա հիմնադիր Աննա Նիկողոսյանից, սակայն նա հրաժարվեց մեր հարցերին պատասխանելուց՝ նախ ասելով, թե դա այդպես չէ, ապա խնդրեց ասել, թե ով է մեզ փոխանցել նման տեղեկատվություն, ապա ասաց, որ ոչ մի հարցի չի պատասխանում»։
Ավելին՝ սկզբնաղբյուր կայքում
