Թուրքի-սիրիական սահմանին ռուսաստանցի զինվորականների զրահամեքենան պայթել է ականի վրա: Այս մասին հայտնում են ՌԴ Պաշտպանության նախարարությունից:
Ինքնաշեն ականի պայթյունը տեղի է ունեցել այսօր, սիրիական Քոբանի քաղաքում: Միջադեպի արդյունքում երեք զինվորական թեթև վնասվածք է ստացել: Նրանց կյանքին վտանգ չի սպառնում: Զրահամեքենան վնասվել է:
Նշենք, որ նոյեմբերին ևս ռուսական ուժերի ռազմական տեխնիկաները մի քանի անգամ պայթել են ականների վրա:
