Ինչպես հաղորդում է Ռիա Նովոստի գործակալությունը, ԱՄՆ նախագահ Բարաք Օբաման հրաժարվել է հանդիպել ՆԱՏՕ-ի ղեկավար Յենս Սթոլթենբերգի հետ, ով պաշտոնական այցով գտնվում է Վաշինգտոնում:
Վաշինգտոնում տեղակայված Սթոլթենբերգի գրասենյակն ավելի վաղ խնդրել էր հանդիպման մասին, սակայն անհասկանալի պատճառով մերժում էր ստացել:
Սպիտակ տան ադմինիստրացիան հրաժարվել է մեկնաբանել Օբամայի նմանատիպ պահվածքը:
Նախկին նախագահների կառավարման օրոք նման հանդիպման առաջարկությունները չէին մերժվում , ուստի, փորձագետների կարծիքով, Օբաման ուղղակի խուսափում է հանդիպումից, կապված Ուկրաինական ճգնաժամի սրման հետ:
