Իրանը պատրաստ է բանակցել ԱՄՆ-ի հետ հենց որ Վաշինգտոնը չեղարկի պատժամիջոցները Թեհրանի նկատմամբ: Այս մասին հայտարարել է Իրանի նախագահ Հասան Ռոհանին, հայտնում է ՏԱՍՍ-ը :
Ըստ Ռոհանիի՝ կոնֆլիկտի հանգուցալուծմանը խոչընդոտում է Վաշինգտոնի պահանջն առ այն, որ բանակցությունների անցկացումը տեղի ունենա մինչև պատժամիջոցների վերացումը․ «ԱՄՆ նախագահը կվերացնի պատժամիջոցները, և մենք կսկսենք բանակցությունները մեկ ժամվա ընթացքում»,-շեշտել է նախագահը:
Նա նաև նշել է, որ Իրանն ավելի քան 40 տարի գտնվում է պատժամիջոցների տակ, և վերջին երկու տարվա ընթացքում նրա երկրի վրա ճնշումը դարձել է առավելագույն: Ըստ Ռոհանիի, Իրանի կառավարության բոլոր ջանքերն ուղղված են դրանով պայմանավորված ռիսկերը նվազագույնի հասցնելուն: