ԱԺ «Իմ քայլը» խմբակցության պատգամավոր Արմեն Փամբուխչյանը գրում է.
«Սիրելի ընկերներ, օրերս Ազգային Ժողովում շրջանառության մեջ եմ դրել «Վարչական իրավախախտումների վերաբերյալ Հայաստանի Հանրապետության օրենսգրքում լրացումներ կատարելու մասին»օրենքի նախագիծը։
Նախագիծով առաջարկվում է հստակ արտոնություններ տուգանքի չափի 30 %-ի մասով՝ դրա 10-օրյա ժամկետում կատարման դեպքում:
Տուգանքը՝ որպես վարչական պատասխանատվության ենթարկելու միջոց, ՀՀ Վարչական իրավախախտումների վերաբերյալ օրենսգրքի 124-րդ հոդվածով սահմանված դեպքերում հիմանակնում չի գերազանցում 10-15 հազար ՀՀ դրամը, սակայն պայմանավորված քաղաքացիների ծանր սոցիալական դրությամբ, առաջացնում է նրանց համար հավելյալ բեռ: Քաղաքացու կողմից տուգանքը չվճարելու պատճառով ավելանում է նաև վարչական ակտի ընդունման պահին գործող օրենքով սահմանված կարգով տուգանքը չվճարելու հետևանքով նախատեսված գումարը և «Դատական ակտերի հարկադիր կատարման մասին» Հայաստանի Հանրապետության օրենքի 67-րդ հոդվածի 2-րդ մասով նախատեսված կատարողական գործողությունների կատարման համար նախատեսված ծախսերը վճարելու պարտականությունը:
Միաժամանակ, սույն նախագծի ընդունումը ուղղակիորեն կազդի վարչական դատարանների և ԴԱՀԿ մարմինների աշխատանքի բեռնաթափման վրա, քանզի վարչական ակտի բողոքարկման համար վճարվող պետական տուրքը որոշ դեպքերում գրեթե հավասար է լինելու 10-օրյա ժամկետում տուգանքի մուծման չափին»: