ՌԴ նախագահ Վլադիմիր Պուտինը, ով բոլոր հանդիպումների ժամանակ հիմնականում նախընտրում է թեյ խմել իր «հայտնի թերմոսով», Գերմանիայի գործարարների հետ հանդիպմանը հրաժարվել է ավանդական ընպելիքից և սուրճ է խմել։ Այս մասին հայտնում է Լենտան։
Հրապարակված տեսանյութի կադրերում երևում է, թե ինչպես է Պուտինը «փոքրիկ» բաժակով սուրճ խմում։
Հունիս ամսին լրագրողներն ուշադրություն են հրավիրել այն բանի վրա, որ Ճապոնիայի Օսակա քաղաքում G20 գագաթնաժողովի ժամանակ Ռուսաստանի նախագահն օգտվում է հատուկ թերմոսից։ Նախագահի մամուլի խոսնակ Դմիտրի Պեսկովը հիասթափեցրել է լրագրողներին՝ ասելով, որ «հայտնի բաժակի» մասին բազմիցս խոսվել է։