Մոսկվայի կենտրոնում գտնվող սրճարաններից մեկում զանգվածային ծեծկռտուք է տեղի ունեցել: Այս մասին հայտնում է 112 հեռուստաալիքը Telegram-ի իր ալիքում:
Դեկտեմբերի 6-ի երեկոյան առևտրի կենտրոններից մեկի սրճարանում մեծ թվով տղամարդիկ են հավաքվել, ովքեր վիճել են իրար հետ: Դրանից հետո տղամարդիկ զինվել են դանակներով և հարձակվել իրար վրա։
Այցելուներից մեկը տրավմատիկ ատրճանակով նախազգուշական կրակ է բացել։
Դեպքի վայր են ժամանել ոստիկանության ծառայողները, ինչից հետո վիճաբանությանը մասնակցող տղամարդիկ լքել են հաստատությունը։ Նշվում է, որ միջադեպի արդյունքում ոչ ոք չի տուժել։
