Մոսկվայի կենտրոնում ՌԴ ԱԴԾ գնդապետը ծեծի է ենթարկել շտապօգնության բժիշկներին, ովքեր փորձել են հենց իրեն առաջին օգնություն ցույց տալ:
Միջադեպը տեղի է ունեցել այս գիշեր: Նախնական տեղեկություններով, սպան բարում է եղել, որտեղից հարբած դուրս գալուց հետո ընկել է ասֆալտին ու վնասել գլուխը: Ականատեսները շտապօգնություն են կանչել: Դեպքի վայր հասած բժիշկները ուշքի են բերել գնդապետին, ով ակնթարթներ անց հարձակվել է նրանց վրա:
Բժիշկները ստիպված ոստիկանություն են հրավիրել:
