Ռուսաստանի և Բելոռուսիայի նախագահներ Վլադիմիր Պուտինի և Ալեքսանդր Լուկաշենկոյի միջև բանակցությունները տևել են ավելի քան 5 ժամ:
Հանդիպումը սկսել է Վլադիմիր Պուտինը իր ողջույնի խոսքով: Նա շնորհավորել է ներկաներին Միացյալ պետություն կազմավորելու 20-ամյակի կապակցությամբ: Պուտինը կարևորել է 2 երկրների ինտեգրման գործընթացը՝ առաջարկելով քննարկել ինտեգրման հետագա հեռանկարները:
Նախապես բանակցություններն ընթացել են 2 երկրների պատվիրակությունների հետ մեկտեղ, սակայն 2 ժամ հետո նախագահները քննարկումները շարունակել են առանձին զրույցով:
