Խորհրդային Միության փլուզումը «պատմության մեջ աննախադեպ» հարված հասցրեց Ռուսաստանին: Այսպիսի կարծիք է հայտնել Չեչնիայի ղեկավար Ռամզան Կադիրովը Telegram-ի իր ալիքում, փոխանցում է Լենտան։
Ըստ քաղաքական գործչի, 28 տարի առաջ Լեոնիդ Կրավչուկը, Բորիս Ելցինը և Ստանիսլավ Շուշկևիչը «ոչնչացրեցին համաշխարհային գերտերությունը՝ Սովետական միությունը»․ «Դա, ինչպես նաև Արևմուտքին զիջումների աննախադեպ քաղաքականությունը, որը վարում էր Խորհրդային Միության նախագահ Միխայիլ Գորբաչովը, աննախադեպ հարված հասցրեցին դարերի ընթացքում ստեղծված Ռուսաստանի տնտեսական, ռազմական, քաղաքական, հումանիտար, սոցիալական հզորությանը»,-գրել է նա։
Կադիրովը հավելել է, որ Ռուսաստանը «հայտնվել էր շղթայական փլուզման շեմին, որն առաջացել էր պատերազմների, պատժամիջոցների, սահմաններին ՆԱՏՕ-ի մոտեցման հետևանքով»։
Ըստ նրա՝ երկիրը փրկել հնարավոր եղավ՝ շնորհիվ Ռուսաստանի նախագահ Վլադիմիր Պուտինի քաղաքականության․ «Այսօր Ռուսաստանը հարգանք է վայելում աշխարհի ամենամեծ տերություններում, և ոչ մի գլոբալ խնդիր հնարավոր չէ լուծել առանց դրա մասնակցության»,-ասել է նա։
