Բանկային գաղտնիքի մասին օրենքի նախագիծն առաջացավ ԱԺ հավանությանը:
Քվեարկությունից առաջ Իմ քայլը խմբակցության ղեկավար Լիլիթ Մակունցը հայտարարեց, որ նախագծում ԿԲ-ն չի ներառել անպարտաճանաչ պարտատերերին առնչվող հարցը, ինչն Իմ քայլը խմբակցության համար կարևոր ու սկզբունքային է. «Առաջին ընթերցման ժամանակ մենք կողմ կքվեարկենք՝ պայմանով, որ խմբակցության առաջարկները երկրորդ ընթեցրման ժամանակ ներառվեն նախագծում»:
Օրենքն առաջին ընթեցրմամբ ընդունվեց 57 կողմ, 38 դեմ, 2 ձեռնպահ հարաբերակցությամբ: Կողմ քվեարկեց միայն Իմ քայլը խմբակցությունը:
Նախագծի քննարկման ժամանակ հիմնական զեկուցող ՀՀ ԿԲ նախագահի տեղակալ Ներսես Երիցյանը նշել էր, որ առաջարկվում է ուժը կորցրած ճանաչել օրենքի այն դրույթը, որը Կենտրոնական բանկին իրավասություն էր տալիս հրապարակելու անպարտաճանաչ պարտատերերի անունները/ անվանումները:
ՀՀ ԱԺ ֆինանսավարկային և բյուջետային հարցերի մշտական հանձնաժողովի անդամ Վարդան Աթաբեկյանը նշել էր, որ թեև հանձնաժողովը նախագծին դրական եզրակացություն է տվել, այնուամենայնիվ այն խնդրահարույց է համարում, և կարծում է, որ շատ հարցեր կարգավորման կարիք ունեն:
ՀՀ ԱԺ «Լուսավոր Հայաստան» խմբակցության տեսակետը նախագծի վերաբերյալ բացասական էր, ուստի խմբակցության անդամ Մանե Թանդիլյանը գործընկերներին հորդորել էր դեմ քվեարկել նախագծին: