Հասարակություն Տեսանյութեր 

/Տեսանյութեր/ Նոր Զելանդիայի կղզում հրաբուխ է ժայթքել․ 5 մարդ է զոհվել, տուժել է 20 հոգի

 

 

Այսօր՝ դեկտեմբերի 9-ին, Նոր Զելանդիայի Ուայթ կղզում հրաբխային ժայթքում է տեղի ունեցել: Այս մասին հայտնում է The Guardian-ը:


 

Ժայթքման պահին, ըստ վարչապետ Ջասինդա Արդերի, հրաբխի ստորոտում եղել է մոտ 100 մարդ: Արդյունքում մահացել է 5 մարդ, վիրավորվել մոտ 20 մարդ, իսկ 7-ը գտնվում են ծանր վիճակում:

Այս պահի դրությամբ կղզում գտնվող մարդկանց ճշգրիտ թիվն անհայտ է:

Տեղեկություններ կան, որ նույն օրը 30-38 մարդ ուղևորվել է նավարկության դեպի Ուայթ կղզի և դեռ չեն վերադարձել:

Նոր Զելանդիայի նավարկության ասոցիացիայի գլխավոր գործադիր տնօրենը հույս ունի, որ զբոսաշրջիկներին հաջողվել է խուսափել ժայթքումների աղետալի հետևանքներից:

Նոր Զելանդիայում Ռուսաստանի Դաշնության դեսպանության երկրորդ քարտուղար Արթուր Զաքաևը հայտնում է, որ տուժածների թվում Ռուսաստանի քաղաքացիներ չկան: Դիվանագիտական ​​առաքելությունը վերահսկում է իրավիճակը:

Օքլանդի համալսարանի հրաբխաբան պրոֆեսոր Շեյն Կրոնինը բացատրել է, որ այս տիպի ժայթքումները կարող են տեղի ունենալ առանց նախազգուշացման:

 

«Հանկարծակի, անսպասելի ժայթքումները, ինչպիսին եղավ Ուայթ Այլենդ կղզում, կարող են տեղի ունենալ ցանկացած պահի»,-ասել է նա:

 

 

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից