Բարի օր Հայաստան Տեսանյութեր Քաղաքականություն 

Կհանդիպենք վաղը` ժամը 13:00-ին, Նոր Նորքի դատարանի դիմաց. Նարեկ Մալյան /տեսանյութ/

ՎԵՏՕ հասարակական-քաղաքական շարժման ղեկավար Նարեկ Մալյանն իր էջում գրում է.

«Մարտի 4-ի գիշերը իմ տան շքամուտքի մոտ Սորոսի գրասենյակից ֆինանսավորվող և ուղղորդվող խուլիգանախումբը բորենիների նման խմբակային հարձակվեց ինձ վրա: Նախապես ծրագրավորված առևանգման նպատակը ինձ բռնությամբ լռեցնելն էր: Ցավում եմ, որ սորոսականները այդպես էլ չհասկացան թե ում հետ գործ ունեն: Սորոսականները այդ հարձակումով արձանագրեցին իրենց պարտությունը մեր պետությունում: Ամեն առիթով ժողովրդավարությունից ճամարտակող սորոսականների սիրելի զբաղմունքը բռնությունն է: Ամեն առիթով թափանցիկությունից խոսացող սորոսականների սիրելի գործիքներն են կեղծիքը և սուտը: Ամեն առիթով կոռուպցիայից աղաղակող սորոսականները առայժմ միակ կոռուպցիայով մեղադրյալներն են հետհեղափոխական Հայաստանի դատարաններում:

Վաղը ժամը 13:00-ին Նոր Նորքի առաջին ատյանի դատարանում սկսվում է Ռեստարտ խուլիգանախմբի դատավարությունը:

Այս դատը ես պայմանականորեն անվանում եմ Հայաստանի Հանրապետությունն ընդդեմ Ջորջ Սորոսի:

Նախաքննության ընթացքում հանցագործների մեղքը ամբողջությամբ ապացուցված է: Սորոսականները ամբողջությամբ ընդունել են իրենց վերագրված գործողությունները: Չնայած դրան գիտակցում եմ, որ ծանր է լինելու պետական ատյաններում հասնել արդարադատության, քանի որ սորոսականները այսօր իշխանությունը զավթել են: Հասկանում եմ դժվար է լինելու հասնել արդարադատության այն պայմաններում երբ ծանր հանցագործության մեջ մեղադրվող Դավիթ Պետրոսյանի խափանման միջոցը չպահպանվեց և նա ազատորեն գնաց Վրաստան՝ հունիսին Թբիլիսում ցույցերին մասնակցելու նպատակով: Հասկանում եմ դժվար է լինելու արդարության հասնել մեր երկրում, հաշվի առնելով, որ ԱԽ քարտուղարի հարսանիքին սորոսական գլխավոր մեղադրյալ Դավիթ Պետրոսյանը իմ տեղեկություններով հանդիպել է վարչապետի հետ և անպատժելիության երաշխիքներ ստացել սորոսական Արսեն Խառատյանի քավորությամբ:
Շատ դժվար է լինելու, բայց ոչ անհնար:

Հանցագործները կրելու են իրենց պատիժը, ես ձեզ խոստանում եմ...

Սորոսականներն այդպես էլ չհասկացան թե ում հետ գործ ունեն:

Կհանդիպենք վաղը ժամը 13:00-ին Նոր Նորքի դատարանի դիմաց:

Սորոսի վաստակներին ՎԵ-ՏՕ»:

  •  
  •  
  •  
  • 2
  •  
  • 1
  •  
  •  
  •  
    3
    Shares

Նույն շարքից