Հասարակություն 

Անհայտ անձը կրակ է բացել Չեխիայի հիվանդանոցներից մեկում․ Կան զոհեր ու տուժածներ

Չեխիայի արևելյան հատվածում գտնվող Օստրավա քաղաքի հիվանդանոցներից մեկում անհայտ անձը կրակ է բացել: Այս մասին հայտնում է Լենտան՝ հղում անելով Reuters-ին։

Նշվում է, որ կան զոհեր: Չեխիայի ոստիկանության նախնական տվյալներով՝ հարձակման արդյունքում զոհվել է առնվազն 4 մարդ, ևս 2-ը վիրավորվել են: Երկրի առողջապահության նախարարությունը հայտնում է 6 զոհվածի մասին:

Այժմ հիվանդանոցի աշխատակիցներն ընդհատել են իրենց աշխատանքը։ Հիվանդանոց են ժամանել ոստիկանության հատուկ նշանակության ջոկատներն ու հրշեջները: Դեպքի վայր է մեկնել նաև ոստիկանության ուղղաթիռը:

Հաղորդվում է, որ հրաձիգն անհետացել է: Aktualne.cz-ի փոխանցմամբ՝ իրավապահ մարմինները փնտրում են կարմիր բաճկոնով միջին հասակի տղամարդու:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից