ԱՄՆ ներկայացուցիչների պալատում Դեմոկրատական կուսակցության անդամները իմպիչմենտի շրջանակներում առաջ քաշված մեղադրական եզրակացությամբ 2 հոդված են հրապարակել ԱՄՆ նախագահ Դոնալդ Թրամփի դեմ:
Մեղադրանքները հնչեցրել են պալատի խոսնակ Նենսի Փելոսին և դատական գործընթացների հարցերով կոմիտեի ղեկավար Ջերոլդ Նադլերը:
Նադլերի ղեկավարած կոմիտեն առաջին հերթին մեղադրել է Թրամփին իշխանության չարաշահման մեջ: Դեմոկրատները Թրամփին մեղադրում են նրանում, որ նա հետաձգել է Ուկրաինային ռազմական օգնության տրամադրումը՝ փոխարենը պահանջելով հետաքննել իր քաղաքական հակառակորդ Ջո Բայդենին և նրա որդի Հանթեր ին:
Թրամփին մեղադրում են նաև Կոնգրեսի գործունեությանը խոչընդոտելում՝ մատնանշելով այն, որ նա չի թույլատրել իր օգնականներին տեղեկատվություն տարածել իմպիչմենտի հետաքննության շրջանակներում:
Երկու մեղադրանքներն էլ կդիտարկվեն իրավաբանական կոմիտեի կողմից մյուս շաբաթ:
