Աֆղանստանում, ամերիկյան ռազմական բազայի մոտ հուժկու պայթյուն է հնչել: Այս մասին հայտնում է Pajhwok-ը:
Պայթել է ականապատ ավտոմեքենա, հնարավոր է՝ կան զոհեր:
Նախնական տեղեկություններով, տուժածների թվում քաղաքացիական անձինք կան:
Պայթյունի վայրից քիչ հեռու կա դպրոց, ինչպես նաև հոսպիտալ:
Նախ տեղեկություններ են տարածվել, որ հարձակման թիրախը եղել են ՆԱՏՕ-ի ուժերը, սակայն ավելի ուշ նշվել է, որ թիրախը եղել է հիվանդանոցը:
Tolo News-ն իր հերթին հայտնում է, որ պայթյունից հետո բախում է սկսվել հարձակվողների և արտասահմանցի զինվորականների միջև:
BBC-ն տեղեկացնում է, որ պայթյունն իրականացրել է մահապարտ ահաբեկիչը:
Այլ մանրամասներ չեն հայտնվում: