Հասարակություն Տեսանյութեր 

Մարդիկ կարող են մեկ բրդուջով, մեկ բաժակ գինիով նոր միջավայր ստեղծել. Նիկոլ Փաշինյանը՝ Ամանորի մասին

Մենք խնդիր ենք դրել, որպեսզի հնարավորինս մեծ թվով քաղաքացիներ Ամանորը նշեն Հայաստանի Հանրապետությունում, միջոցառումների կոմպլեքսը, որը պլանավորել ենք, հենց այդ նպատակն ունի: Այս մասին ուղիղ եթերում հայտարարեց ՀՀ վարչապետ Նիկոլ Փաշինյանը՝ նշելով, որ մեկ տարվա մեջ այդ հարցը չեն կարող լուծել, հետևաբար ամեն տարի այդ ավանդույթը պետք է ավելի մեծ ծավալներ ստանա:

Վարչապետը նշեց, որ կայանալիք միջոցառումներով նաև ցանկանում են խթանել զբոսաշրջիկների հոսքը դեպի Հայաստան. «Հայաստանը տուրիզմի համար սեզոնայնություն չպետք է ունենա: Տարվա մեջ Հայաստանը 12 ամիս պետք է հետաքրքիր լինի տուրիստների համար»:

Փաշինյանը նաև նշեց, որ ցանկանում են որոշակի սրբագրումներ մտցնել Ամանորի բովանդակության և դրա սոցիալական ազդեցության տեսակետից. «Շատ է խոսվում այն մասին՝ արժե արդյոք այդքան գումար կազմել, երբ Հայաստանում բազմաթիվ սոցիալապես անապահով մարդիկ կան:

Միջավայրը, որը ստեղծվելու է հրապարակում, հենց առաջին հերթին ամենօրյա ավանդական ծախսեր իրականացնելու հնարավորություն չունեցող մարդկանց հնարավորություն է տալու, որպեսզի նրանք իրենց հնարավորությունների սահմաններում, բայց շատ ուրախ Ամանորը նշեն հրապարակում:

Այդ հատվածում նաև աշխատելու են սննդի օբյեկտներ, արագ սննդի կետեր: Մարդիկ իրենց երեխաների հետ կարող են գալ հրապարակ, վաճառվելու են բրդուջներ, հոտ-դոգեր, համբուրգերներ:

Մարդիկ կարող են ուղղակի մեկ բրդուջով, մեկ բաժակ գին վերցնեն ու իրենց երեխաների հետ շրջեն այդ գեղագիտական միջավայրում, համերգ լսեն, այցելեն թանգարաններ: Բոլորովին նոր որակով միջավայր կարող են ստանալ իրենց ընտանիքի, ընկերների հետ Ամանորը նշելիս»:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից