Խնդրում եմ, որ մանիպուլյացիայով չզբաղվեք, մենք երբեք չենք ասել, որ ՍԴ դատավորները պետք է հեռանան, քանի որ մեր դուրը չեն գալիս: Խորհրդարանում ՍԴ դատավորներին վաղաժամ թոշակի ուղարկելու մասին նախագծի քննարկման ժամանակ հայտարարեց Իմ քայլը խմբակցության ղեկավար Լիլիթ Մակունցը՝ դիմելով Նաիրա Զոհրաբյանին:
Մակունցի խոսքերով, Իմ քայլը խմբակցությունից որևէ մեկը չի խոսել դատավորներին գնդակահարելու, այրելու ինկվիզիցիայի մասին. «Մանիպուլյացիայի մի ենթարկեք: Իմ քայլը խմբակցության կողմից նման արտահայտություններ չեն եղել»:
Իմքայլականը նշեց, որ ԲՀԿ-ն մերժում է ցանկացած փոփոխություն. «Մենք երբեք չենք ասել, որ այս նախագծով գնում ենք ճգնաժամի լուծման, չի եղել նման արտահայտություն: Մենք ասում ենք, որ ճգնաժամի լուծման համար անհրաժեշտ է ձեռնարկել քայլեր և այս քայլը կարող է հանդիսանալ դրանցից մեկը:
Այս նախագծով մենք առաջարկում ենք խորքային բարեփոխումներ իրականացնել համերաշխության մթնորտում, իսկ դա չի լինում միակողմանի: Սա ձեռքսեղմման առաջարկի նախագիծ է, որով կարող են մեկնարկ տրվել դատաիրավական համակարգում խորքային փոփոխություններ իրականացնելուն: Իմ քայլը կողմ է քվերակելու նախագծին»:
