Հասարակություն 

Խելքներս չի կտրել, դրա համար ջուրը 100 տոկոսով գնում է Ադրբեջան. Արայիկ Հարությունյանը՝ Սարսանգի ջրամբարի մասին

Մեր ամենամեծ խնդիրներից մեկն այն է, որ պատերազմի տարիներին տնտեսական բաղադրիչը չի հաշվվել, չի վերլուծվել, ինչի արդյունքում Սարսանգի ջրերի ջրբաշխիչ ցանցը մեր դիրքերից ընդամենը 100-150 մ հեռավորության վրա է: Խելքներս չի կտրել, որ մեր դիրքերն առաջ դնեինք: Սա նաև մեսիջ՝ մեր նախկին ղեկավարներին: Այսօր մամուլի ասուլիսի ժամանակ հայտարարեց Արցախի նախկին վարչապետ, նախագահի թեկնածու Արայիկ Հարությունյանը:

«Արդյունքում մենք կունենայինք այլ Արցախ՝ տասնյակ հազար հեկտար ոռոգովի տարածքներով: Իսկ այդ բաշխիչ ցանցն այսօր Ադրբեջանի տիրապետության տակ է: Դրա համար էլ զրկված ենք Սարսանգի ջրամբարի ջրերը ոռոգման նպատակով օգտագործելու հնարավորությունից»,-ասաց նա:

«Երբ ես կոչ էի արել, որ հարց դարձնեն Ադրբեջանի հետ հումանիտար առաքելության հիմնական թեմա, քարտեզի վրա Արցախի տեղը չիմացողները քննադատում էին, թե ուզում եմ ջուրը տալ Ադրբեջանին: Ժողովուրդ, այսօր այդ ջուրը 100 տոկոսով գնում է Ադրբեջանը: Առավելագույնը հնարավոր է 25 տոկոսով բերել Արցախ, ու այդ ուղղությամբ մենք սկսել ենք աշխատել: Նախագիծն արդեն սկսված է»:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից