ԱՄՆ Սենատի արտաքին գործերով կոմիտեն հաստատել է Ռուսաստանից С-400 հակահրթիռային պաշտպանության համակարգը գնելու համար Թուրքիայի հանդեպ պատժամիջոցներ կիրառելու օրինագիծը:
Սահմանափակումներ կարվեն 2017 թ. ամռանն ընդունված «Պատժամիջոցների օգնությամբ Ամերիկայի հակառակորդներին հակադրվելու» օրենքի սահմաններում:
Ըստ օրինագծի՝ կսահմանափակվի Անկարայում ամերիկյան ռազմական տեխնիկայի վաճառքը և պատժամիջոցներ կկիրառվեն Թուրքիայի Պաշտպանության, Ֆինանսների նախարարների և Գլխավոր շտաբի պետի հանդեպ: Բացի այդ՝ Թուրքիային Սիրիայում օպերացիա անցկացնելու համար զենքեր տրամադրող երկրներին կառաջարկվի նույնպես սահմանափակումներ անել:
Փաստաթուղթը պետք է հաստատվի նաև Սենատի և Ներկայացուցիչների պալատի կողմից, որից հետո այն ստորագրության կհանձնվի ԱՄՆ նախագահին:
