Ռուսաստանցի վարորդների շուրջ 60 տոկոսը խոսել են այն մասին, թե ինքնապաշտպանության համար ինչ են պահում ավտոմեքենաներում և ինչպես են վերաբերում դրանց արդյունավետությանը: Այս մասին հայտնում է ՏԱՍՍ-ը՝ հղում անելով Uremont ավտոմեքենաների պահպանման առցանց ծառայության կողմից անցկացված հարցմանը։
Պարզվել է, որ հարցվածների 60 տոկոսն իրենց ավտոմեքենաներում ունեն ինքնապաշտպանական միջոցներ, սակայն 33 տոկոսը դրա անհրաժեշտությունը չի տեսնում: Հարցվածների 6,4 տոկոսն անկեղծորեն խոստովանել է, որ ժամանակ չեն ունենա որևէ բան օգտագործելու համար, նույնիսկ եթե հնարավորություն ունենան:
Հատկապես հայտնի են այն առարկաները, որոնք հատուկ լիցենզավորում չեն պահանջում, և դրանք կարելի է բավականին հեշտությամբ ձեռք բերել. Լուսաձայնային սարքեր, ոչ մարտական դանակներ, փայտե ձողեր, գոլֆի համար նախատեսված փայտեր և այլ «զենքեր». Դրանք ունեն հարցվածների մոտ 23 տոկոսը:
Հարցման մասնակիցների 16 տոկոսը նախընտրել են գազի սփրեյները, 14,8 տոկոսը՝ բեյսբոլի համար նախատեսված փայտե ձողերը։ Հարցվածների միայն 3,4 տոկոսն ունի ավելի լուրջ զենքեր, ինչպիսիք են տրավմատիկ ատրճանակները:
