ԱԺ Իմ քայլը խմբակցության պատգամավոր Անդրանիկ Քոչարյանը երրորդ անձի միջոցով 10 օր առաջ հորդորել է Ռուբեն Հայրապետյանին լքել երկիրը՝ հայտնելով, որ նրան ձերբակալելու են: Այս մասին ՀՖՖ նախկին ղեկավարը հայտնել է Սաթիկ Սեյրանյանի հետ զրույցում:
Հայրապետյանի խոսքերով, դա հատուկ է արվում, որպեսզի ինքը հեռանա Հայաստանից, հետո շոուն սարքեին ու ասեին, թե ինքը փախել է:
ՀՀԿ-ական նախկին պատգամավորը նշել է, որ ինքը փախնող չէ, եթե ուզում են ձերբակալեն իրեն, կարող են զանգել, ինքը կգնա ու կձերբակալվի, նույնիսկ անհրաժեշտություն չի լինի, որ ոստիկանները գնան իր տուն:
Հիշեցնենք, որ երեկ ոստիկանությունը հետախուզում իրականացրեց Հայրապետյանի տանը: Մինչ այս պահը պաշտոնապես որևէ բան չի հայտնվել այդ հետախուզության մասին: