Խորեն Հովհաննիսյանն ու Արկադի Անդրեասյանը լեգենդար մարդիկ են՝ իրենց լավ ու վատ կողմերով: Սաթիկ Սեյրանյանի հետ զրույցում հայտարարել է Ռուբեն Հայրապետյանը:
«Խորեն Հովհաննիսյանն այլ թեմա է, խոստանում եմ, որ մի օր կխոսեմ այդ մասին, սակայն այսօր դա չեմ անի, վատ բան չեմ խոսի նրա հասցեին, քանի որ նա ՀՖՖ նախագահի թեկնածու է: Բացի դրանից, նրանք մեր ֆուտբոլի լեգենդներն են: Ես նրանց խորհուրդ կտամ, որ իմ անունը քիչ տան: Նրանք մոռանում են, թե ես ով եմ ու որտեղ եմ աշխատել: Սովետական Միության ՖՖ-ի արխիվներն իմ տանն են: Այդ արխիվում ամեն ինչ կա: Ես այն երբեք չեմ հրապարակել ու չեմ անի դա: Այնտեղ ամեն ինչ գրված է, թե ինչ է արել տվյալ ֆուտբոլիստը, ինչ վատ ու լավ արարքներ է արել: Ես դա չեմ հրապարակի, քանի որ սերունդներին երկուսի անունն էլ պետք է: Խորհուրդ կտամ նրանց հեռու մնալ ինձանից: Բայց ասեմ, որ ես նրանց համարում եմ լեգենդներ»,-ասել է նա:
Հայրապետյանը քննադատել է Անդրեասյանին, ով խոսել է Խորեն Հովհաննիսյանի մասին, քանի որ դա հակաքարոզչություն է, նա դա կարող է անել դեկտեմբերի 23-ից հետո:
ՀՖՖ նախկին ղեկավարը խոսել է Արմեն Մելիքբեկյանի մասին ևս՝ հայտարարելով, որ վերջինս իրավունք չունի մասնակցելու ՀՖՖ նախագահի ընտրություններին: