Յարոսլավլում Քննչական կոմիտեն քրեական գործ է հարուցել այն բանից հետո, երբ համացանցում հայտնվել է տեսանյութը, որում դեռահասը դաժան ծեծի է ենթարկում 13-ամյա մի տղայի։ Համապատասխան տեսանյութը հրապարակել է Լենտան՝ հղում անելով 76.ru-ին։
Կադրերում երևում է, թե ինչպես են մի խումբ տղաներ ու աղջիկներ հետևում և տեսանկարահանում դաժան ծեծի տեսարանը։ Տուժած երեխան հարվածներ է ստացել գլխին ու կողոսկրերին։ Միջադեպի ժամանակ երիտասարդներից ոչ մեկը չի միջամտել։
Նշվում է, որ դեպքը տեղի է ունեցել Տուտաև քաղաքում։ Տուժածը 13 տարեկան է, իսկ հարձակվողը՝ 15։
