«Subaru Forester» մակնիշի ավտոմեքենայի վարորդը դեկտեմբերի 14-ի երեկոյան դրիֆթ է արել Վլադիվոստոկի կենտրոնական հրապարակում ամանորյա տոնածառի շուրջը, սակայն կորցրել է կառավարումը և բախվել տոնական դեկորացիային։ Այս մասին հայտնում է Լենտան։
Կադրերում երևում է տոնածառի շուրջը պտտվող ավտոմեքենան, որի ժամանակ էլ տեղի է ունենում բախումը։ Դեպքից հետո ավտոմեքենան անհետացել է:
Ոստիկանությունը պարզել է, որ ավտոմեքենայի ղեկին եղել է 1999 թվականի ծնված Վլադիվոստոկի բնակիչը: Նշվում է, որ երիտասարդը սթափ է եղել: Նրա դեմ վարչական իրավախախտում է կազմվել՝ վթարի վայրը լքելու կապակցությամբ:
Վնասված ամանորյա դեկորացիայի արժեքը կազմել է 677 հազար ռուբլի։