Չինաստանի կենտրոնական հեռուստաընկերությունը հրաժարվել է ցուցադրել Անգլիայի առաջնության «Արսենալ»-«Մանչեսթեր Սիթի» հանդիպումը: Պատճառը լոնդոնցիների թուրք կիսապաշտպան Մեզութ Օզիլի հայտարարությունն է, որով նա չինական իշխանություններին մեղադրել էր ույգուրներին հետապնդելու մեջ:
Թուրքական ծագում ունեցող գերմանացի ֆռուտբոլիստը թվիթերյան իր էջում գրել էր, թե այրվում են Ղուրաններ, ավերվում են մզկիթներ, փակվում են մուսուլմանական դպրոցները, կրոնական գիտնականներին սպանում են մեկը մյուսի հետևից:
Global Times չինական պարբերականը գրել է, որ Օզիլի խոսքերը չեն համապաատասխանում իրականությանը, և նա հիասթափեցրել է չինացի երկրպագուներին:
Օզիլին խիստ քննադատության են ենթարկել նաև բրիտանացի երկրպագուները: