U.S.News ամսագիրը հրապարակել է իր վարկածով աշխարհի ամենահզոր երկրների ցանկը: Առաջին հորիզոնականում հայտնվել է ԱՄՆ-ը:
Ամենահզորների ցանկում ԱՄՆ-ին հաջորդում է Ռուսաստանը, իսկ եռյակը եզրափակում է Չինաստանը: Նախորդ տարվա հետ համեմատած տասնյակում միայն մեկ փոփոխություն է տեղի ունեցել՝ 10-րդ հորիզոնականում գտնվող ԱՄԷ-ն իր տեղը զիջել է Հարավային Կորեային:
Ցանկը կազմելիս հաշվի են առել տվյալ երկրի ՀՆԱ-ն, բնակչության թիվը, մեկ անձին բաժին հասնող ՀՆԱ-ն, նորությունների գլխագրերում հայտնվելու հաճախականությունը, աշխարհաքաղաքական տնտեսական մոդելների ձևավորմանը մասնակցությունը:
