Հռոմում Կվիրինալեի նախագահության նստավայրի մոտ գտնվող այգում կտեղադրեն ամենայն հայոց բանաստեղծ Հովհաննես Թումանյանի արձանը:
Նախնական տեղեկություններով, խոսքը վերաբերում է կիսանդրիին: Իսկ թե ինչ նյութից է այն պատրաստվելու ու ով է լինելու հեղինակը, դեռ հայտնի չէ: Սակայն իտալական կողմի խնդրանքով, այն պետք է պատրաստվի կոնկրետ ստանդարտների համաձայն:
Այս պահին հայտնի չէ նաև, թե որտեղ է արձանը պատրաստվելու՝ Հայաստանում, թե՝ Իտալիայում:
Աշխատանքներ են տարվում, որպեսզի արդեն 2020 թվականին այն տեղադրվի:
