Նիգերիան ճանաչվել է ամենավտանգավոր երկիրը ԼԳԲՏ համայնքը ներկայացնող զբոսաշրջիկների համար: Այս մասին հայտնում է Լենտան։
Ըստ աղբյուրի, Նիգերիան առաջին տեղում է հայտնվել նույնասեռական հարաբերությունների քրեականացման պատճառով. Այս օրենքը խախտելու դեպքում սահմանված է մինչև 14 տարի ազատազրկում կամ մահապատիժ: Ավելին, Նիգերիայում արգելվում է նաև պաշտպանել ԼԳԲՏ անձանց իրավունքները:
ԼԳԲՏ զբոսաշրջիկների համար ամենավտանգավոր երկրների վարկանիշում հայտնվել են նաև Քաթարը, Եմենը, Սաուդյան Արաբիան և Տանզանիան, որտեղ նույնասեռական հարաբերությունները կարող են ավարտվել նաև կալանավորմամբ:
Բացի այդ, ԼԳԲՏ զբոսաշրջիկների համար ամենաապահով երկրներից մեկն անվանել են Շվեդիան: Երկրորդ տեղում Կանադան, իսկ երրորդում՝ Նորվեգիան:
Պորտուգալիան և Բելգիան հայտնվել են առավել բարենպաստ երկրների հնգյակում՝ ԼԳԲՏ անձանց ճանապարհորդությունների համար:
