Մշակույթի մի շարք գործիչներ, որոնց թվում են նաև Արթուր Գրիգորյանը, Ալլա Լևոնյանը, Ավետ Բարսեղյանը, Արամեն, Գուժ Մանուկյանը, Էրիկ Կարապետյանը, Հայկոն, հայտարարություն են տարածել՝ առաջարկելով փոխել նախագահ Ռոբերտ Քոչարյանի խափանման միջոցը:
Այսօր լրագրողների հետ զրույցում Իմ քայլի պատգամավոր Անդրանիկ Քոչարյանը հայտնեց, որ ցանկը չի տեսել. «Այդ դերասանները Մարտի 1-ի հետ կապված տեսակետ ունեցե՞լ են, նրանք էտ Մարտի 1-ին էլ երգում էին, չէ՞»:
Չնայած, որ ցանկը չի տեսել, ամեն դեպքում իմքայլականը պնդում է, որ այդ երգիչները սպասարկել են ոչ թե ժողովրդին, այլ՝ իշխանությանը. «Նրանք կարող են ասել, որ երգում են ժողովրդի համար, բայց Մարտի 1-ին այդ նույն ժողովուրդը պահանջներ ուներ իշխանությունից, որը չեր բավարարվում: Հիմա ժողովրդին պետք է դնեին ու գնդակահարեի՞ն: Հիմա չեն ուզում, որ այդ ամբողջ իրողությունը բացահայտվի՞»:
Քոչարյանի խոսքերով, ժողովուդը 2018-ին մերժել է Սերժ Սարգսյանին ու Ռոբերտ Քոչարյանին և հիմա ճիշտ ուղով է առաջ գնում:
