Ռուսաստանի նախագահ Վլադիմիր Պուտինը սխրանք է անվանել 1990-ականներին ռուսաստանցիների կյանքը։ Այս մասին վերջինս հայտարարել է այսօր՝ դեկտեմբերի 19-ին, ամենամյա մեծ մամուլի ասուլիսի ժամանակ։
ՌԴ նախագահի խոսքերով «այն, ինչ հաղթահարել է ռուս ժողովուրդը և Ռուսաստանի Դաշնության մնացած ժողովուրդները 1990-2000-ականներին ինքնին սխրանք կարելի է անվանել»։
Պուտինը նաև ասել է, որ Ռուսաստանն այդ դարաշրջանում և այժմ երկու բոլորովին այլ երկիր է, և տարբերության համար կարևոր չափանիշ է անվտանգության համակարգի զարգացումը:
