Լյուբյանկայում ԱԴԾ աշխատակիցների վրա կրակ բացած Եվգենի Մանյուրովի տանը ստուգումների արդյունքում զինանոց է հայտնաբերվել: Այս մասին հայտնում են ռուսական լրատվամիջոցները:
Մասնավորապես, իրավապահները հայտնաբերել են 4 հրացան, մեկ տրավմատիկ ատրճանակ: Որոշ տեղեկություններով, հայտնաբերված հրացաներից երկուսը եղել են «Սայգա»: Տանը նաև մեծ թվով փամփուշտ է հայտնաբերվել: Լիկվիդացված հրաձիգի ուսապարկում հայտնաբերվել է ինքնաշեն պայթուցիկ և նռնակ:
Թե ինչն է ստիպել Մանյուրովին գնալ այդ քայլին, դեռ հայտնի չէ:
