Դեկտեմբերի 21-ին, ժամը 12:45-ին «911» ծառայություն ահազանգ է ստացվել, որ Երևանի Օհանովի փողոցում գտնվող «Երևան Սիթի» սուպերմարկետի տանիքում ծուխ է նկատվում: Այս մասին հայտնում են ԱԻՆ մամուլի ծառայությունից:
Հրդեհի բարդության «Թիվ-2» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք և ճգնաժամային կառավարման ազգային կենտրոնի արտակարգ իրավիճակների արձագանքման խումբը:
Պարզվել է, որ «Երևան Սիթի» սուպերմարկետի հացատան ծխնելույզից դուրս եկող ուժեղ ծուխը թողել է հրդեհի տպավորություն:
