Դավոսում անցկացվող հոկեյի հանդիպման կազմակերպիչները երկու անգամ շփոթել են Ռուսաստանի օրհներգը։ Այս մասին հայտնում է Լայֆը։
Ի տարբերություն կազմակերպիչների, երկրպագուները և հոկեյիստները նկատել են սխալը և չեն երգել: Չնայած տրիբունայից հնչող սուլոցներին, մեղեդին շարունակել է հնչել մինչև վերջ: Այնուհետև հաղորդավարը ներողություն է խնդրել և խոստացել, որ կմիացնեն ճիշտ օրհներգը։
Նշվում է, որ երկրորդ անգամ ևս սխալ օրհներգ է հնչել, սակայն այս անգամ անմիջապես նկատել են սխալը և երաժշտությունն անջատել: Երկրպագուները շտկել են իրավիճակը և սկսել են երգել երկրի պետական օրհներգը:
