Իրանը պատրաստ է աջակցել Սիրիային երկրում ապօրինի տեղակայված ամերիկյան զորքերի դուրս բերման հարցում: Այս մասին RT Arabic հեռուստաալիքին տված հարցազրույցում ասել է Իրանի Գերագույն առաջնորդի խորհրդական Ալի Աքբար Վելայաթին:
«Մենք պատրաստ ենք օժանդակություն ցուցաբերել ամերիկյան զորքերը Սիրիայից դուրս բերելու համար՝ ի պատասխան սիրիական իշխանությունների խնդրանքին և մեր հնարավորությունների սահմաններում»,-ասել է Վելայաթին:
Խորհրդականը հույս է հայտնել, որ մոտ ապագայում կդադարեցվի սիրիական տարածքների նկատմամբ ԱՄՆ ապօրինի վերահսկողությունը:
