Ռուսաստանի նախկին նախագահ Բորիս Ելցինը, 1999 թվականին թողնելով պաշտոնը, իր իրավահաջորդ Վլադիմիր Պուտինին խնդրել է պաշտպանել երկիրը: Այս մասին «Би-би-си»-ի հետ զրույցում ասել է Ելցինի նախկին խորհրդական Վալենտին Յումաշևը:
Նա նշել է, թե խոսակցություններն այն մասին, որ Պուտինի և Ելցինի միջև եղել են որոշակի պայմանավորվածություններ կադրային նշանակումների և Ռուսաստանի նախկին առաջնորդի և նրա ընտանիքի անվտանգությունն ապահովման հետ կապված «լիովին անհեթեթություն է»: Ինչպես նշել է Յումաշևը, Ելցինը, լինելով իմաստուն քաղաքական գործիչ, քաջ գիտակցում էր, որ բոլոր այդպիսի պայմանավորվածություններն ավարտվում են այն պահին, երբ նոր մարդը ստանձնում է նախագահությունը:
«Միակ բանը, որը Ելցինը խնդրել է և հրաժեշտ տվել Պուտինին. «Հոգ տանել Ռուսաստանի մասին»»,-ասել է խորհրդականը:
Նա նաև նշել է, որ գործող նախագահը փորձում է կատարել Ելցինի խնդրանքը: Յումաշևի կարծիքով, Ռուսաստանը, Պուտինի գլխավորությամբ, կարողացել է բարելավել իր տնտեսական իրավիճակը:
