Մուրմանսկի մարզի Կանդալակշսկի շրջանում զորավարժանքի ընթացքում պայմանագրային զինծառայող է մահացել։ Այս մասին հայտնում է ՏԱՍՍ-ը՝ հղում անելով ուժային մարմիններում իր աղբյուրին։
«Ընթացել են զորավարժանքներ։ Մեկ զինծառայող է մահացել հրազենային վնասվածքից»,-ասել է աղբյուրը:
Նրա խոսքերով դեպքը տեղի է ունեցել զենքի հետ անզգույշ վարվելու արդյունքում: Բժիշկները փորձել են փրկել նրան, սակայն վնասվածքը մահացու է եղել:
