Դեռևս չպարզված հանգամանքներում զոհված զինծառայող Արթուր Աջամյանի հարազատները շարունակում են բողոքի ակցիա անցկացնել կառավարության մոտ։ Քիչ առաջ ոստիկանների և նրանց միջև բախում տեղի ունեցավ։
Ամեն ինչ սկսվեց այն բանից հետո, երբ Աջամյանի հարազատները փորձեցին ճեղքել ոստիկանական պատը և մտնել կառավարության շենք:
Այս պահին ակցիայի մասնակիցների հետ հանդիպել է վարչապետի օգնական Նաիրի Սարգսյանը:
Ոստիկանությունը շարունակում է հորդորել ակցիայի մասնակիցներին բացել փողոցը՝ նշելով, որ դա անօրինական քայլ է:
Փողոց փակողները թույլ են տալիս անցնել միայն շտապօգնության ավտոմեքենաներին:
