Դեկտեմբերի 26-ին, ժամը 09:38-ին «911» ծառայություն ահազանգ է ստացվել, որ Երևանի Ղափանցյան փողոցի թիվ 63/3 շենքի մոտակայքում գտնվող գազատար խողովակից առկա է արտահոսք՝ առանց հրդեհի բռնկման։ Այս մասին հայտնում են ԱԻՆ մամուլի ծառայությունից:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ գազատար խողովակի (մոտ 2.5 սմ տրամագծով) եռակցված հատվածից տեղի է ունեցել արտահոսք՝ առանց հրդեհի բռնկման:
Փրկարարները փակել են գազատար խողավակի փականը:
