Մեծ Բրիտանիայի արտաքին գործերի նախարարությունը հրապարակել է 2019 թվականին քաղաքացիների և օտարերկրացիների ամենաաղմկոտ խնդրանքների ցուցակը: 12 ամսվա ընթացքում դիվանագետները ստացել են մոտ 330 հազար զանգ: Այս մասին հայտնում է Լենտան։
Այսպես, օրինակ զանգահարողներից մեկը Մեծ Բրիտանիայի արտաքին գործերի նախարարությանը խնդրել է տալ ամերիկացի ռեփեր 50 Cent-ի հեռախոսահամարը: Մեկ այլ տղամարդ դժգոհել է ինքնաթիռում սննդից և խնդրել իրեն ուղարկել այլ ավիաընկերություն: Մեկ այլ բրիտանացի հարցրել է՝ հնարավոր է արդյո՞ք, որ Մեծ Բրիտանիայի դեսպանատան աշխատակիցները Ֆրանսիայի հյուրանոցներից մեկում փնտրեն իր ականջակալները:
Մեկ այլ քաղաքացի զանգահարել է Արտաքին գործերի նախարարություն՝ պարզելու արդյոք նա կարող է գնել 30 հատ A4 ֆորմատի թուղթ Տեխասում Մեծ Բրիտանիայի հյուպատոսարանից: Մեկ այլ կին դիվանագետներին խնդրել է օգնել Քաթարում դիմահարդարի հարցում, քանի որ նա դժգոհ է մասնագետի աշխատանքից:
